إغفاءات يتيمة...! / لا تعنيني على بابك عمر...!

| بقلم: ديم بنت فيصل |

اشتقت لك...

كثر الغياب

ودروب الشتات

وأمنياتي اللي مضت

وقليلها اللي بقت

يخايلها الاحتظار

في دهاليز الانتظار

شباكها حزني

وبابها وقت مجفي

صابره ودمعها يجري

بصمت وماتشكي

اشتقت لك...

كثر السهر

ومامر بي السهد

وعلم أثر

اشتقت لك...

كثر الأرق اللي سرق

نوم العيون وبدمعها غرق

اشتقت لك...

كثر اشتياقي المجنون

ياهو بدونك حزين ويئن

اشتقت لك...

كثر السراب اللي

لمحته في عيونهم

وكثر الوعود اللي

قطعها مجنونهم

وياااه ياسيدي

ياكثر ما اشتاق لك

ياحاضري وأمسي وغدي

ياشمس أنتظر بلهفه شروقها

وأتعب كثيرا لحظة وداعها وغروبها

اشتقت لك...

يا منبع الوصل القديم

يانبض ذاك الزمان اليتيم

يا روحي الوجله

لاتعنيني على بابك عمر

ترى العمر أقصر من اللهفه

وأيامنا تفوت وما نلحق الخطوه

أرويني وصل وبعده وصل

وأرويك ديم ماتظمأ بعده أبد

غيث يسقي عطش روحك دهر

***



http://deemalfaisal.blogspot.com

تويتر \ @deemalfaisal