ضمك الشوق

عبر الفيس بوك جاء هذا النص مدوناً باسم الشاعرة سميّة الظبي ام فيصل نصاً عاطفياً جميلاً وبنفس شاعرة تستحق الاشادة والنشر.



احترت ياسيد الملا فيك واحترت

مدري غلاك اللي خذاني وجبته

على ايديني ضمك الشوق وازهرت

تنبت شرايين الغلا شوف نبته

افرطت في شرب الغلا منك وأكثرت

حتى البقايا من مرارة شربته

ماودي اظهر حب جواي وأظهرت

يفداك قلب(ن) في يديني نكبته

جيت بصلاتي لاتولمت واجهرت

خشوعي اللي في صلاتي نهبته

سويت لك تاريخ ميلاد وأشهرت

في لوحة عيوني غلاتك نسبته

في يوم ميلادك تضنيت وأعسرت

صيحة ورى صيحة على القلب ربته

يوم انتشقت من الغلا شوق واجمرت

حسيت باحساس المسيحي لسبته

شفت التجلي والخيالات وأبصرت

اتقنت دوري بالخيال ولعبته

حلقت في ليل (ن) من الشوق وأسهرت

غيم (ن) توشح بالظلام وحلبته

واقع حياتي ما اعترف فيه وانكرت

اعتز في واقع حياتك رغبته

تركت لجلك باقي الناس واحقرت

من هو بغاني في طريقي عقبته



شعر: سمية الظبي أم فيصل