ياسرع الأيام

جانا رمضان وراح ياسرع الأيام

الله يعوده كل عام على خير

شهر رمضان أعظم شهر طول الأعوام

فيه أنزل القرآن وآل المقادير

شهر نصلي به تراويح وقيام

عقب الفرايض والنوايا مغاتير

وليلة قدر سبحان ربي بالآنام

خير من ألف شهر وقيامها غير

وما بين حق الجار وربوع وأرحام

أحد يواصلهم وأحد منه تقصير

وناسٍ تدبّر محكم الذكر ما تنام

وناسٍ مع صادووه وعقبه فوازير

يا غافلٍ دنياك ساري بالأحلام

صحصح وقسّم حسبتك للمشاوير

العمر يمضي والمقادير قدام

ولا فيه عسر إلا وتقفاه تيسير

يا الله ياللي بالمخاليق علام

تغفر ذنوبي ورحمتك وين ماسير

من هاجسي خطيت في روس الأقلام

عندي على الواقع أدلة وتصوير

الله يدوم العز بديار الإسلام

والله يحفظ كويتنا ديرة الخير