محاورة مع صقر النصافي
هذه المحاورة جرت بين الشاعرين الكبيرين سعد بن هتيل الدوسري وصقر النصافي. قال صقر:
عينت لي بكرة نيرتها هالسنين
عساك من عقب هاك الوقت فطن لها
اتلا عهدنا بها يوم ارزمت بالحنين
والناس قالوا ترى ابن هتيك شنح لها
قال سعد:
يا صقر هي من سمار الطرش والا لوين
وايضا بعد يا وسيع العرف وش حلها
ما شفتها جعلها لمدروك ما تبين
ما عندنا حل (وقت) ضيعتها مداج لها
قال صقر:
الله خابر وكل الناس بك خابرين
يوم انت تلعب لها لين اختلف دلها
الغاية ان حجتي من غاربك يالسمين
ما نيب من حطها ولا نيب من شلها
قال سعد:
البكرة اللي تقول شهودها حاضرين
مانيب ملفا لها ما نيب ملفا لها
دور لها في يسار النزل ولا يمين
هيجن لها من شليل النزل هيجن لها
قال صقر:
شعيتها يا سعد شعي الهجين اليدين
غديت فيها وانا امشي كان في ظلها
ياليتها من ضليع الثور للروضتين
مرباعها بالحتايف جاز والا اللها
قال سعد:
الحايل اللي بها دبدوب وقلادتين
يا عريب دار اسمحوا منها وقار لها
حيث انها بكرة مشعاف والحل زين
ترحل مع البدو وتعين وليف لها
قال صقر:
يا واهني من يشد احبالها باليدين
ويمسي ويصبح ورى المطلاع راع لها
ويفتل لها قيدها الكمبار ابو ثنوتين
وعقالها وان رحل ميل على شلها
قال سعد:
يا صقر أنا طالبك لا تعترضها بشين
يا بو مهلي ترى مثلك وديع لها
ترى الفتاة الظهيرة غدوة الطيبين
الطيب أهل لها والخايب افدا لها
قال صقر:
لا والله الا نويت تحوفها يا اللعين
يا عارف وسمها وشلون تحتلها
بيني وبينك هل المعروف والغانمين
وان كان عادك رفيقي بكرتي خلها
قال سعد:
يا صقر هي لك وأنا بأخذ بها ركعتين
عند الضحى وأطلب الله جعلك تملها
وانا باعين عوضها من هل القريتين
الديرة اللي تربى مثلها أدلها
عينت لي بكرة نيرتها هالسنين
عساك من عقب هاك الوقت فطن لها
اتلا عهدنا بها يوم ارزمت بالحنين
والناس قالوا ترى ابن هتيك شنح لها
قال سعد:
يا صقر هي من سمار الطرش والا لوين
وايضا بعد يا وسيع العرف وش حلها
ما شفتها جعلها لمدروك ما تبين
ما عندنا حل (وقت) ضيعتها مداج لها
قال صقر:
الله خابر وكل الناس بك خابرين
يوم انت تلعب لها لين اختلف دلها
الغاية ان حجتي من غاربك يالسمين
ما نيب من حطها ولا نيب من شلها
قال سعد:
البكرة اللي تقول شهودها حاضرين
مانيب ملفا لها ما نيب ملفا لها
دور لها في يسار النزل ولا يمين
هيجن لها من شليل النزل هيجن لها
قال صقر:
شعيتها يا سعد شعي الهجين اليدين
غديت فيها وانا امشي كان في ظلها
ياليتها من ضليع الثور للروضتين
مرباعها بالحتايف جاز والا اللها
قال سعد:
الحايل اللي بها دبدوب وقلادتين
يا عريب دار اسمحوا منها وقار لها
حيث انها بكرة مشعاف والحل زين
ترحل مع البدو وتعين وليف لها
قال صقر:
يا واهني من يشد احبالها باليدين
ويمسي ويصبح ورى المطلاع راع لها
ويفتل لها قيدها الكمبار ابو ثنوتين
وعقالها وان رحل ميل على شلها
قال سعد:
يا صقر أنا طالبك لا تعترضها بشين
يا بو مهلي ترى مثلك وديع لها
ترى الفتاة الظهيرة غدوة الطيبين
الطيب أهل لها والخايب افدا لها
قال صقر:
لا والله الا نويت تحوفها يا اللعين
يا عارف وسمها وشلون تحتلها
بيني وبينك هل المعروف والغانمين
وان كان عادك رفيقي بكرتي خلها
قال سعد:
يا صقر هي لك وأنا بأخذ بها ركعتين
عند الضحى وأطلب الله جعلك تملها
وانا باعين عوضها من هل القريتين
الديرة اللي تربى مثلها أدلها
