?صدى الحرمان ?

خلد صدى الحرمان في خافقي جروح

وانا اللي كنت القى من ايده حنينه

اطوي شراعٍ للسفر قبل م يروح

خلي ويخلي الروح فيني حزينه

حتى ضلال الشك غطى لنا وضوح

ليني غديت اسهر ليالي غبينه

شتت ضيا مشاعر الروح بالروح

ثم قصر ايام العمر مع سنينه

صار الألم كنه شذى عطره ايفوح

والجرح في قلبي يبان بجبينه

يتيم قلبي بالهوى ما له امزوح

مسكين وادعي ان ربي يعينه

قال الألم بسكنك وما بقدر اروح

بيضل في بعضي واهم مبغضينه

بعضي امل والبعض في حزنه ايلوح

والبعض الآخر مالقى اي مينه!

يازود همي وانتظاري مع النوح

لاصار فرحي غارقٍ بالسفينه

ولا صار بعضي جمب حرماني جروح

يضيع فيني الشوق وافقد حنينه