تبقى يا أبو مفرح

احتفل السيد مرزوق مفرح العميرة (الطمار) بزواج حفيده محمد حمد، بحضور عدد كبير من الشعراء، وكان لنا هذه المشاركة، ويستاهل أبو مفرح...

تبقى يا بو مفرح عسى الاش يفداك

يا مالك الشيمة حميد المبادي

الطيب من راسك ليا حد موطاك

مثلك ليا شحن الايام جادي

الله على المعروف والطيب قداك

خاشرت حاتم بالكرم والمهادي

بالطيب والله كايداتٍ مزاياك

دايم على درب الفضيلة تنادي

كم واحدٍ حدتة الايام ينصاك

ولقاك في وقت الاوازم سنادي

يا كثر بعد الله لربعك عطاياك

ضاري على فعل الوفا والرشادي

قولت نعم تسّمع ليا حل طرياك

وتستاهل التمجيد ما نيب غادي

انا فخور بمدح مثلك وشرواك

وان قلت يالطمار قولي وكادي

يا عون من في حزة الضيق ناداك

يا فزعة المضيوم وقت النكادي

شهمٍ كريمٍ مخلف الوقت مبداك

تسود بفعول الشرف ما تسادي

حراً ملكت الطيب من طيب مجناك

مادق في ساسك رديٍ ربادي

فزعت من طيبك لذولا وذولاك

بالنور بدلت الكدر والسوادي

تطول في وقت المهمات يمناك

تشب ناراً ما تعوّد رمادي

عسى الولي من كل الاسباب يحماك

وعساك سالم يا كريم الايادي

الشعر لا قلناه والمدح يزهاك

ولا ينجحد مثلك كما النور بادي

متبيّن مثل القمر الجدي لاعدمناك

ويمدحك مكن يعرفك حضر وبوادي

من جاك يا سبع الرجاجيل يلقاك

بالروح للي جاك عاني تفادي

هاديك في كل المواجيب مولاك

وهذا فضل من عند رب العبادي

وأبا اطلب الخلاق علام الافلاك

رازق جميع الخلق رحمان هادي

انة يحفظك يالسنافي ويرعاك

ويجعلك في درب الوفا والرشادي