دار المحبة والسلام

دارنـا دار المحـبـة والـسـلام

أعربيّـة أصـل والإسـلام ديــن

شامخـة ياكويتنـا أعلـى مـقـام

عـز دايـم مـن زمـان الأوليـن

بأمـر منهـو لايضيـم ولايضـام

جّـل شأنـه كلنـا بـه نستعـيـن

ياحمـام الـدوح رفـرف ياحمـام

فـي رحـاب الـدار حنّـا آمنيـن

مايكـدّر صفونـا عبـث اللـئـام

حاسديـن وحاقـديـن وجاهلـيـن

صفّ واحد كلنـا حسّـب النظـام

حاضريـن وذاهبيـن وصاملـيـن

شعب مخلص في تعـاون والتحـام

فوق هـذا والحكومـة مخلصيـن

مرخصيـن الـروح لايـوم القيـام

الله أكبـر والوطـن والحاكمـيـن

دام فبرايـر علينـا كــل عــام

نبتهـج فـي طلـتـه بالفرحتـيـن

فرحة استقلال فـي حكـم الكـرام

خمسة وعشرين من ذيـك السنيـن

وستة وعشريـن عقـب الاقتحـام

فرحة التحريـر طـرّد المعتديـن

عيـدي ياكويـت ياكـل الـغـرام

عيـدي يابعـد كــل العايـديـن

هذا قول العازمي...مسّك الختام

الصـلاة علـى النبـي يامسلميـن