من ورى الطيب

والله اني بالشن بأهل الغشامة

ما تحمل جمعت الناس الغشيمه

ابتلشت بناس مدري وش نظامه

خايف اني لارتكب فيهم جريمه

اتحاشا شوفت اللي به رخامه

وفتخر وعتز بناس الفهيمه

ما تعرض للي ما ثمن كلامه

آخذ الموضوع بالفكره الحكيمه

خايف من كلمة بعده ندامه

لا تعود لي عواقبها وخيمه

احترم اهل الوفا واهل الزعامه

الرجال اللي نواياهم سليمه

والردي عيب علي عد احترامه

البهيمه ما يخاوي الا البهيمه

كل رجل يا جماعه له مقامه

اعطي اللي يستحق قدر وحشيمه

ما لحقني من ورى الطيب ملامه

رفقة اهل الطيب بالدنيا غنيمه

ليت لو بالطيب اتبين علامه

مل قلبي من كثر اهل النميمه

ما بي من راعي الردى حتى سلامه

ولا جماله ولا رفاقه ولا عزيمه

الوصل من بيننا سكرت جامه

والرجل معروف من ممشى نديمه

من خبر له حر خاواله حمامه

كيف اخاوي واحد ما فيه شيمه

يزعلون اهل الوفا واهل الشهامه

لا دروا بي مخاوي عاهة مستديمة