كذب الشاهد

الجادل المترفه والمايس الغضة

مفتاح باب القصيد ونور الالحاظي

قريحة تجمع الهاجوس وتفضه

واليا ذبحها الضما تارد على حياضي

واللي بناه الخيال الواقع يقضه

لو كذب الشاهد ولو صدق القاضي

والبارحة من ذهب واليوم من فضه

والصبح براق رزقه ما بعد ناضي

يا صاحبي لا تلح رضاي وتلضه

قبل المرض ينتشر وتزيد الامراضي

مناكب الارض مزحومه ومكتظه

وفجوجها للرجال طوال واعراضي

والوقفه الضايعة والهرجه الفضه

ما هيب من طبعي وما هي من الفاظي

وعن بعض الاشيا اكف الطرف واغضه

لا عوّد الهرج فوق وتحت الانقاضي

اتعب على الطيبه والناجد اعضه

والحاضر اعانقه واودع الماضي

والرفقه اللي وراها ميله وجضه

فتالها ما يبي في افتل نقاضي

كل على فاله وكل على حظه

واللي تجي فاضيه ترجع على الفاضي