لاحظ عيوني

برجس الظفيري... ويطول الحديث عنه وعن الشعر، فهو محاط بالشعر من كل جهاته ولهجاته، لا يحتاج للكثير من الكلام كل هذا الشعر، فقط يحتاج **للقراءة والاستمتاع والسلام...!



سولفي ياضنون عمري وش بقا

صدري الليلة من اعذاري وسيع

من صغر عمري تعلمت الشقا

والجروح إقراب واحزاني تضيع

لا اعتقت الهم عن صدري لقا

تدمي جروحه على قلبي سريع

ضحكتك كذبة مثل جرح أصدقا

لاحظ عيوني بـ اللامي تذيع

بان لي حظي على الوضح النقا

لو تبي حاجة تجي بيدك تضيع

باكر أجمل وين أجمل ما هقا

فيك صحرا لي ما جاها ربيع

هات جرحك دام دمي له سقا

هات ضنك دام لـ أيامي يبيع

ان نثرت الحلم في قلبي رقا

وما يكنه غير وقتن ما يطيع

انتها بي الصبر واللي بقا

العذر منك ترى صدري وسيع



برجس الظفيري