لسعة

فنانتان كبيرتان بالعمر والمقام تكرهان بعض كره العمى جمعهما برنامج إذاعي عند محمد دغيشم «عود هالطيب يريد يصلح بينهم وما يدري ان ماكو فايدة» المهم ان الفنانتين طاحوله غزل واشواق واحترامات ورومانسية وتسبل عيون حتى اني ولعت شمعة من كثر الحب... الكلكجي بينهما! وثنتينهم مو عارفين ان الدنيا كلها كاشفتهما وعارفة انهما تكرهان وتغاران جدا وتنافقان بعضهما، بس «غزلهم» كان تسويقي عشان الجمهور والمستمعين، وللعلم فالثنتين بينهما غيرة وضرب تحت الحزام وسرقة نصوص من بعضهما حتى ان كاتبة صغيرونة ام ربع موهبة باعت كل وحدة فيهما «نفس» النص وشالت الفلوس من عربون الحلقات من الثنتين، وشيلها إنحاشت... وسكرت التلفون! وماعطت اي وحدة فيهما ربع وجه، وطاحوله الفنانتين نطاح ونطيح من تحت الارض... حتى رسى النص على وحدة منهما والثانية قررت تنتجه غصبن عن خشم الثانية وبنشوفهم برمضان هاهاهاها والله انكم طماشة بنت قماشة! وعن جد... اذا انتوا تحبون بعض مووووووت ولي الحين باقيين عالعيش والملح بحسب تصريحاتكم حق اذاعة المارينا اف ام... ليش ما ترجعان تمثلان مع بعض مثل ايام اول عشان الجمهور اللي يحب مسلسلاتكما وعشان يطلع غزلكم ببعض اصلي مو تايواني... إفففففففف منكما، الوحدة فيكما ما عندها الا التصريحات العلنية الكذابة... الأولى ريـــا والثانية سكينة... ول عاد على صواريخكما!...
نحلة