لا تنكسر

لا تنكسر ما دام فيني تعزويت
حرام ما تنزل دموعك وانا حي
الوقت لا ضامك لك بداخلي بيت
والليل لا غشاك تلقا بي الضي
ازهم على وخصني لا توازيت
دام الصعايب مني وفيني ولي
ازهم وتلقاني مثل ما تمنيت
افرش لك عيوني وبرموشي الفي
من زعلك يمكن نسى انك تعاليت
عن النقيصه واسود الفعل والغي
ومن زعلك يمكن نسى انك تخاويت
معا بياض القلب واعذوبة المي
ومن زعلك ما يدري انك تنخيت
باللي طوا دونك سنين العمر طي
ومن زعلك ما يدري اني تحديت
لاجلك زمان ما قوى يقصر ايدي
بجيك لو اني لغيرك ولا جيت
والحر لا من هد ما يقهره شي
رح قل لهم واسمع بها الحي والميت
خل الكلام يطول كل شارع وحي
(عبدالعزيز) يقول وان قلت سويت
«حرااام ما تنزل دموعك وانا حي»