الشكر والثناء

الشكر والثنا والخيرة من الله
العزيز الصمد نرجيه ونساله
يالله انك تعز الدين والمله
وتحفظ إبلادنا وتوفق إرجاله
وتحفظ اللي يعقد الحبل ويحله
ناصر اللي يشيل الحمل بلحاله
شيخنا اللي غيابه يرث العله
وفزعته تصلح اللي شانت أحواله
أخو سلوى ياجعل الله يمهله
أبو عبدالله اللي طابت أعماله
الصعايب بوجه الشيخ منذله
من دخل في حماه يذوق فنجاله
قصره الي بناه العود في حله
البدع نورت بوجود منزاله
ياهلا ومرحبابك يابو عبدالله
والله إنها من الأعماق منقاله
غيبتك طولت والنفس مختله
دايم أرسل ولا ترجع لي إرساله
وأنشد الناس وأثر الناس منسله
وشاعرك يابو عبدالله على حاله
عقبك أمورنا ماهيب منحله
ماخلصنا من المسؤل وهماله
وطلتك من عقب غيبه هي الطله
وغيرك يموت مانرضى بمرساله
وطيرنا شال سبقه فوقه وتله
صاد له صيد ماصاده بمحباله
وراعي الغل جعل يموت في غله
راعي الهرج فيه علوم بطاله
وغيرك يقوم مير الدرب مادله
المراجل لها عقده وحلاله
وأنت واحد وكل الطيب تحتله
مكتبك للمواطن صار بداله
أنت شيخ المراجل والفخر كله
جعله يطول عمر الشيخ وعياله
يا ماشاء الله عليك والف بسم الله
من عيون الحسود وشر ماقاله
والله والله والله وثم والله
طيب ناصر صباح الاحمد لحاله

طلال بندر الصواغ