البر والبحر

المرحوم بإذن الله الشاعر الكبير سالم بن تويم الدواي، ركب البحر وعانى كغيره من شقاء هذه المهنة وكان يميل للبر وحياة البادية... وقد قال هذه القصيدة:

الله من قلب برى حاله العاف
بري الخشب اليا بروه القلاليف
والدول من حدر المجاديف صفصاف
يا شيب حالي يا زبون المواقيف
هذه حياةٍ يا بن سمران تنعاف
عزالله اني شفت فيها التكاسيف
من عقب مشيي مع عرب زين الأوصاف
اليوم صار شفاقة شوفي السيف
هني من شرف على كل مشراف
شرف وغنى في طوال المشاريف
والعصر سير يم مملوح الأوصاف
الصاحب اللي علمنا فيه في الصيف
ياوى والله يافتى الجود مصياف
عشب وغدير وقرب زين التواصيف
واليوم نسكن بين فنة ومجداف
الله لايجزي صفوف المجاديف
كم واحدٍ دمه مع الراس ينشاف
منهن عساهن للهوى والعواصيف
تبقى جثاياهن من الغيص وخلاف
وما فالبحر منهن اليا راح ما شيف

| سالم بن تويم الدواي |